مرحباّ
شحالكـمـ ..؟
اليوم يايبة لكـم هالموقف اللي ألفته بروحي من نكتة .. عشان نضحك ونفرفش شووي
--------------------------------------------------------------------------------------------------------وحدة سايرة تخطب لولدها ..وحصل هالحوار اللي تخيلته ..
أم المعرس : الصراحة يا أم خالد ما لقينا أحسن من بنتكم " مريم "ناخذها حق ولدنا " أحمد "
ماشاء الله حسب ونسب وجمال واخلاق ..
أم العروس : هذا من طيب أصلكم .. بس بغيت اسألج عن المعرس بعض الاسئلة
الضرورية ، تعرفين هذا زواج هب لعبان
أم المعرس : اسئلي براحتج الغالية
أم العروس : ولدكم يشتغل ..؟ و كم راتبه ..؟ وعنده سيارة ..؟
أم المعرس : الصرااحة عمه قال بيشغله عنده ..والراتب ماظن بيبخل عليه ، بس الصرااحة حالياً
ما عنده سيارة
أم العروس : افا ليش ..؟
أم المعرس : يقلج سيارته تكنسلت من كم يوم بحادث
أم العروس : اسم الله عليه ، وحصله شي ؟! صابه مكروه ؟
أم المعرس : لا يالغالية ..ما حصله إلا الخير ..
أم العروس : وليش سوى حادث ..؟
أم المعرس : كان يبا يولع السيجارة ، ومادري كيف ضرب بعمود الكهربا ..
أم العروس : ليش..؟ هو يدخن ..؟
أم المعرس : لا بس إذا كان فاقد الوعي
أم العروس : ليش يعني يغمى عليه فجأة مثلاً ..
أم المعرس : لا شو يغمى عليه أقصد يوم يكون سكران ..
أم العروس : سكراااااااااااااااان .. ليش يسكر ..؟!!!
أم المعرس : لا مب دوم بس يوم يكون ماخذ إبرة
أم العروس : إبرة شو ..انسولين ..؟
أم المعرس : لا شو انسولين الله يهداج ..إبرة هيروين !!
أم العروس : ليش ؟؟ يتعاطى مخدرات ..!!!!!!!!!!!!!!
أم المعرس : لا حرام لا تظلمينه ، ترى هو ما تعلم تعاطى المخدرات إلا من عقب
ما دخل السجن
أم العروس : هااااااااااا !! ولدج كان مسجون ؟!
أم المعرس : إي والله ، ترى عقب ما قتل أبوه - الله يرحمه - سجنوه 5 سنين
أم العروس : شوووووووووووووووووو ..؟ قتل أبووووووووه !!
أم المعرس : هيه ترى من عقب ما درى أبو احمد إنه " أحمد " يسرق
سيارات ويبيعها..عصّب وطرده من البيت وهو - الله يهداه - قرر
ينتقم من ابوه لأنه هزبه جدام كل الفريج .. وقتله !!
أم العروس : ليش ولدج كان حراااااااامي ..!!!!!!
أم المعرس : هيه والله من عقب ما ترك عصابة الحرامية والنصابين اللي كان مسويها
قرر يشتغل بروحه بالسرقة !
أم العروس : ليش كان مسوي عصاااابة ؟!!!!!!!!!
أم المعرس : هيه هذا اللي حصل ، طيش شباااب يختي ، والحين هاا شو قلتوا موافقين ؟!
أم العروس : هااااااااا ؟؟ شووو ..؟؟ أقول يا مريم ألحقي علي !!!!!!!!!!!!!
" يغمـى عليـهـا "
the EnD
--------------------------------------------------------------------------------------------------------
شراايكم ..عيبكم الحواار ؟
ولا ما انفع للكوميدياا
قولوا رايكم الصريح ..
وللعلم ترى النكتة أصلاً :
وحدة سايرة تخطب حق ولدها سألوها : ولدج يدخن
جان تقول : بس إذا كان سكران!!
بس أنا طورتها !!
وسلامتكم
تحيااتي :سجوي